يعتبر مطعم المجلس الخليجي من اكثر المطاعم تنقيطا ايجابيا في قوقل لذالك اليوم سنكون دليلك في مطعم المجلس الخليجي و نقدم العديد من المعلومات المختلفة مثل العنوان و المنيو و رقم الهاتف و العديد من المعلومات الاخرى لتختار الوجهة الافضل لك

دليلك في مطعم المجلس الخليجي  :

• الاسم :  Almajlis Alkhaleeji Restaurant | مطعم المجلس الخليجي
• تقييم : 4.0
• الاسعار : مرنفعة
• ‏أوقات العمل : من الاحد الى الاربعاء من 05:00 الى00:30 بقية الاسبوع من 05:00ا لى 001:30
• الموقع على خرائط جوجل : يمكنك الوصول الى موقع مطعم
• للتوصيل : يمكنك الطلب  من هنا
• عنوان مطعم :  6818 طريق الإمام عبدالله بن سعود بن عبد العزيز ، غرناطة ، 4470 ، الرياض 13241
• رقم هاتف  : 966920009533+

منيو مطعم المجلس الخليجي :

تعليقات زوار مطعم المجلس الخليجي :

 

• تجربتي _ مطعم واسع راهي المساحة يتكون من قسمين أفراد وعوائل قسم العوائل في الدور الأول يتوفر لفت اصنصير وكمان درج ممرات واسعة وجلسات في كل مكان أما جلسات الأكل فهي مجموعات وغرف متوزعه بمساحة مناسبة بستارة … المطعم نظيف ومرتب والموظفين عددهم كثير جدااا دخلناه بس بنجربه ونأخذ فكره عنه المنيو باركود بنفس الغرفة طلبنا جريش أبيض عادي سعره ١٧ ريال وكمان مقلقل لحم بالنسبه للطعم جيد ولذيذ لكن الحجم صغير جدااا جدااا مضحك بصراحه قد يكفي شخص لكن مايكون جوعان (: حجم الحافظة او القدر اللي فيه المقلقل والجريش صغير اللي بيطلب وعددهم كثير أو في عزيمه لايفشل نفسه لازم يطلب كميات كثيرة … سمبوسة اللحم وافرة الحشوة ولذيذه الظاهر إنها خمس حبات مع شوية بطاطس بس طبعا اللي مايحب قلي الزيت لايطلبها لأن الزيت واضح فيها _ كلمنا العامل وجاب خبز حار من الفرن مع إنه المفروض ينزل مع المقلقل بدون طلب لكن أمانة المطعم كان مزدحم عموماً تجربه ما أظن تتكرر لأننا مانحب الإزعاج وبصراحه كان ازعاج وصوت الزباين عالي واطفالهم عاد حدث ولا حرج وترى اتعب بالتقارير (: اختموها بلايك ♡ تفضلوا الصور 👇

 

• مطعم جميل وعريق وشعبي الاستقبال مميز والغرفة مميزة بطاولة وكراسي طبعا بدون حجز … جينا صايمين وافطرنا طلبنا قهوة عربي ولقيمات وصبيب (مصابيب) حطوا صحن عسل معهم وماء التقييم ٩/ ١٠ .. بعد الصلاة طلبنا الفطور شوربة بيضاء بالدجاج والفطر + حمص ومتبل+ كبة ورق عنب + سنبوسة مشروب غازي خبز تميز 😋 التقييم ٩/ ١٠ المطعم شبه هادئ والخدمة ممتازة الجلوس لمدة ساعة و ٤٠ دقيقة فقط (جلسنا ساعتين ماقالوا شيء) ملاحظة: دورات المياه نظيفة ومهيئة✔ يوجد كرسي متحرك لنقل كبار السن عند الباب الرئيسي🧑🏻‍ يوجد مصعد كهربائي🚠 لايوجد موسيقى

 

• المطعم زرته خلال شهر رمضان ٤ مرات ماشاءالله تبارك الله من اول زيارة اعجبت بالترحيب والاسلوب الطيب جربت عرض السحور عندهم سعرر مقابل طعم واصناف متنوعة جداً مناسب ( واتمنى اغلب المطاعم تكون عروضها معقولة وطعم ممتاز ولا وش فايدة العرض ) طبعاً مايحتاج اتكلم عن نظافة الاكل والمطعم والعاملين ١٠/١٠ اما بالنسبة لملاحظاتي عن المطعم بشكل عام :
  ١- رسوم الجلسات المغلقة ١٠٠ ريال مع دلة قهوة واول زيارة لي دخلوني الغرفة مجاناً مشكورين بسبب زحمة الجلسات الخارجية ٢- الجريش خفيف والمفترض طبخه يكون اثقل شوي مايكون كانه ايدام ٣- السلطة السعودية عبارة عن طماطم وبصل فقط كنت متوقعها سلطة شعبية
  ٤- عرض سحور رمضان حاط فيه اغلب الاصناف من سلطات وطبق رئيسي وطبق جانبي وحلى لكن ماحطيت مشروب يعني كان كملت احسانك واضفت بيبسي او موية علشان تطلع الحسبه وحده هههههه والله يعطيكم العافية وعساكم على القوة

 

• ياخي ان قلت استقبالهم فخم قليل في حقهم الصراحه اول مره اجيهم والله استقبالهم ما قد شفت مثله ومطعم نظيف وواسع جيت بطلب يفهمك الطلب صح وش تحب وش تبي وطلبت من عندهم والله كان سحور فخم غير كذا يعطونك ضيافه مع طلبك مجانا فتوش وحلا وسلطات وطريقه تقديمهم حلوه اللبن في سحله 😂❤️ اكل بفوز وطلخ لذيذ عندهم قهوه وشاهي يصلح اذا بتعزم لك ضيفان مكان يجمل واكل يجمل الشي الثاني الله يكرمكم عند كل باب جلسه طاوله صغيره حقت نعالكم وانتو بالكرامه اذا ما حطيتها يجي العامل يحطها المقدمين فيها ممتازين ورايقين لقطت اسم شهيد المقدم ممتاز واسلوبه رائع ياخي لو فيه عشر نجمات عطيتهم من افخم الاماكن الي جيتها بالرياض الصراحه والله❤️❤️

 

• للأسف ان اسمه المجلس الخليجي للأسف….. الطبخ جميل ورائع اختيارهم للنكهات !!!!!!اما الكميات فقليلة وإستغلالية كما ان الأسعار مبالغ فيها بشكل غير طبيعي المساحة المسروقة من الصحن هي فعلاً صدمتني ليش تتصرف ادارة المطعم بالشكل هذا مع انهم آخذين قيمة الوجبة ثلاث مرات لو مطعم غيرهم قدم لنا بالآسعار هذي السلطات والمشروبات مجانية …… لا أنصح الذهاب اليه ويوجد منهم افضل منه وبنفس مستوى الطبخ وافضل

 

• تم زياره المطعم يوم الجمعه الايجابيات / المطعم كبير جدا ودورين وفيه جلسات خليجيه وعلم كل دوله على الجلسه. وشغل مرتب والموظفين محترمين والاكل كويس
  السلبيات / اعتقد السلبيات اللي بذكرها لاحظوها اغلب الزباين الصحون صغيره بزياده خصوصا الصوصات .. والسلطه كله ورقيات مافيه طماط سلامات عازمين ارانب ؟ 😅
  الاسعار 🔥 🔥 🔥 ااسعار اعلى من اي مطعم رز واكلات شعبيه ودام اسعارك غاليه ياخي حط الكميه راهيه تتناسب مع السعر حبه مقلوبه اظن بحدود 55 ليه !! وش خليت للاكل البحري والستيك

 

• المطعم كديكور واثاث ممتاز
  كذالك اكرمكم الله دورات المياه نظيف لاكن انا طلبت حق ٢٠٠ ريال وهذا الطلب على السفره مثل ماهو موضح بالسفره اولا / طلبت حمص وكان جيد و تبوله كذالك جيده
  ومعكرونه اسم الله على النعمة ماقدرت اكلها ب ١٥ ريال وطلبت حميس لحم وكان افضل طبق سعره ٣٤ ريال كميه قليله جدا جدا جدا جدا جدا شف الصوره واصابع الدجاج ماتنوكل ابدا اسم الله على النعمه وحاطين اربع اصابع ب ١٥ ريال ومشكلتهم بخيلييييييييييييييين جدا الكميه مرك قليله اذا انت عازم احد تراك راح تنفشل ممكن تلقى خيار افضل من هذا المطعم مره شعبي وبخيلين في التقديم كانك تاكل في مطعم يماني بالعكس اليمين يكثر بالاكل ولا تفشل قدام اللي عازمهم بالنسبه لي ماراح اكرر التجربه واتمنى يشوفون حل لقلة الاكل والاسعار خاصه سعر القهوه لانهم يبيعون القهوه الصغيره ب ٢٦ من غير التمر التمر بس ب ٩ ريال وسجل ع الحساب يامودير

 

• مطعم جداً مميز نصحني فيه صديق ديكورات جميلة بطابع تراثي خليجي وطعم وجبة الغداء لذيذة وجودة جربت المكبوس الكويتي ومرقة باميا بالحم وسلطات صرحة المطعم من المطاعم المميزة بالرياض وايضاً العصيرات الطازجة جداً لذيذة تعامل طاقم المطعم جداً ممتاز فقط الملاحظة الوحيدة يليت يتم تجديد اجلكم الله دورات المياه بإذن الله في حال زيارتي للرياض نعيد الزيارة للمطعم