يعتبر مطعم ام شريف من افضل مطاعم الرياض لذالك اليوم سنكون دليلك في مطعم ام شريف الرياض و نقدم العديد من المعلومات المختلفة مثل العنوان و المنيو و رقم الهاتف و العديد من المعلومات الاخرى لتختار الوجهة الافضل لك. يمكنك النظر في مطاعم الرياض لاكثر اختيارات

دليلك في مطعم ام شريف الرياض  :

• الاسم : مطعم ام شريف الرياض
• تقييم ( في قوقل) : 3.7/5
• اسعار : مرتفعة
• أوقات العمل : يوميا من  10:00 الى 00:00
• الموقع على خرائط جوجل : يمكنك الوصول الى موقع مطعم
• للطلب عبر التوصيل : من هنا
• عنوان مطعم : شارع التخصصي، المحمدية، الرياض 11564
• رقم مطعم ام شريف الرياض : 966920017617+
• للحجز : من هنا 

منيو مطعم ام شريف الرياض :

 

 

 

 

 

منيو ام شريف الرياض كاملا

 

اراء زوار مطعم ام شريف الرياض  :

• التعامل كان غير مرن في البداية ، خدمتهم بطيئة قليلًا مع أن الأكل جاء بارد ما كان حار الغريب في الموضوع ليش كان بارد مع أنهم تأخروا بالنسبة للأطباق أقل من عادية مو على مستوى أم شريف ممكن أقول الأطباق جيدة نوعًا ما لو كان مطعم غير أم شريف ، اعتدنا على سمعة أم شريف بأطباقها المضبوطة والطعم اللبناني الأصيل لكن تجربتي كان طعم أقل من عادي. أما تقييم الأطباق: الكبة جدًا عادية ما تسوى تطلب كأنها كبة مجمدة من السوبر ماركت حتى القلي مو مضبوط لونها مو متحمر. اللحم بالعجين عادي جدًا. شاورما اللحم تعتبر من أفضل الموجود تسوى قليلًا الفتة مو مرة ولا تسوى تطلب من عندهم. بكجة جبن تعتبر جيدة أفضل طبق جربته عندهم.

 

• بدايةً الجلسات الخارجية ممتازة والداخلية أيضًا الخدمة ممتازة ومطبقين الاحترازات فالصحون والاشواك مغلفة والويتر يفتحها امامك.. تقييم الاطباق شاورما حمص ١٠/١٠ انصح بشده فتوش ١٠/١٠ ام علي ١٠/١٠ افضل ام علي حتى الآن.. طعمها قريب من طعم السيريلاك للي مازالوا يحبونه🙊 شاورما سمك ٧/١٠ فطيرة زعتر ١٠/١٠ رأي الاخرين… لم اتذوقه بيتزا مارجريتا ٧/١٠ فتة باذنجان ٨/١٠ البطاطا الحره ٨/١٠ الخبز طازج وحار ١٠/١٠

مطعم ام شريف الرياض

• من المطاعم اللبنانية المتميزة والأكل جداً لذيذ .. نظيف جداً والطاقم خدومين .. أحب أشكر شربل على سرعة تلبية الطلبات وروحة الجميلة .. طلباتنا: سلطة فتوش 10/9 عصير ليمون نعناع 10/8 عصير رمان 10/8 فطيرة بالجبنة 10/4 حمص باللحم 10/10 السعر يعتبر غالي مقارنة بعدد الأصناف. أكرر الزيارة نعم

• المطعم رائع الخدمه سريعه التعامل ممتاز الويترز يستاهلون ١٠ نجمات جينا بعد المغرب مباشره بدون حجز وكان فيه مجال ودخلونا برحابة صدر الاكل لذيذذذ جدا جدا والنكهات موزونه طلبنا الحمص بالصنوبر وبطاطا حره كبه لحمه صغيره ولذيذه جدا فتة بادنجان وتبوله وبقشه الجبنه ما اعرف كذا يسمونها والا ايش لذيذه مررره وكباب لحم هل ممكن اعيد الزياره اكيد اعيدها الاسعار الكل كاتب انها مرتفعه جدا لكن للاسف ما اعرف كنت معزومه 🙃

مطعم ام شريف الرياض

• جربنا الفطور ، اشوفه عادي جدا والاسعار تعتبر عاليه بالنسبة لفطور والشاهي ضرف ومويا حاره ب ٣٥ !! Really ؟ بالنسبة لتعامل الموظفين حلو خصوصا الموظف هيثم يعطيه العافيه والنظافه حلوه👌🏽وباقي الاكل يروح لجمعيات 💛 بس انها زياره لن تتكرر

 

• بكل امانه الاكل لذيذ جدا الاسعار مرتفعه جدا جدا زحمه ولابد تحجز افضل اذا تبي طاوله خارجيه على النافوره تجربتنا ممتازه في اصناف وكلها اعطيها ١٠/١٠ غوزيت الرز عظيم صراحه الفتوش لذيذ مسحب الدجاج جميل العيب الوحيد ان الغوزيت ياخذ نص ساعه .. اذا بتطلبه اطلبه بدري اول ماتجلس المشروبات اسعارها نار فكنسلناها صراحه لانه اجرام السعر

 

• مطعم ام شريف مطعم جميل وهادي استقبال طيب عمالة اخلاقهم عالية انا بشر اخطي واصيب والناس اذواق الاطباق والتقييم 1حمص بالصنوبر ممتاز 😊 2فتوش عادي 🤫 3لحم بعجين روعة روعة❤️ 4لسان العصفور او راس العصفور الطبق الاول عندهم من روعة واتقان الشيف 👍🏻 5مشاوي مشكل عادي جدا 6 الخبز حلو وحار وطري 7بيتزا عادية جدا 8وطلبنا متبل الرمان وخلصنا ماجاء الطلب 9بطاطس حارة انصح بعم الطلب 👎🏻 اذا عجبك التعليق والتقيم حط لايك 👍🏻 تحياتي

 

• مطعم لبناني صاحبته هي (ميراي حايك ) ام شريف معروفة بلذة و جودة طبخها 👩🏻‍🍳💕 دقيقة جدا في عملها و تشرف على كل شيء بنفسها في كل فروعها و تدرب الشيف حتى في رشة الملح الصراحة من اشهر والذ المطاعم اللبنانية له فروع في اغلب المناطق 😍 بيروت الرياض دبي و قطر و الكويت و لندن🇬🇧 جربنا فطورهم الرمضاني عبارة عن ست منيو الأصناف كثيرة ومتنوعة ولذيييذه جداً 🤤🤍 الخدمة جداً ممتازه والويترز لطيفين 👌🏻 المكان يفتح النفس والجلسات الخارجية مطلة على ذا زون جميلة جداً المكان عبارة عن دورين ‏داخلية وخارجية مطلة مناسب لذوي الهمم ♿️

 

• تجربة استثنائية كان غداء الجمعة لا ينسى بجو عائلي وبخدمة بالنظام الفرنسي واطباق مميزة وتصميم والوان المطعم مريحة للنظر وإطلالة خارجية على اهم المعالم. الاطباق كانت: الفتوش لذيذ جدا جدا قطع صغار كانت نقله نوعية للفتوش بالنسبة لي. فتة الباذنجان طازجة ومتوازنة. الكبة المشوية اشبه بالكباب لا مميز بها. غوزيت رز طبق لبناني بامتياز انصح بتجربته. الاستقبال والخدمة والنظافة مقابل السعر جيد جدا ساعيد التجربة بالتأكيد.

مطعم ام شريف الرياض

• والله العظيم انه نجمتين هو ما يستحقه كجودة وطعم مقابل السعر …طعم وجودة اقل من عادي وأسعار مبالغ فيها جدا ..الطلب كان صحن كباب ب ٩٧ ريال اعطيه ٦/١٠ ..مشاوي مشكل ١٥٥ ريال اعطيه ٦/١٠ …صحن حمص صغير ٤٥ ريال ..٨/١٠..عصير برتقال ٣٥ ريال وليمون ب ٤١ ريال …رحت له بناء على التقييمات المبالغ فيها …والله العظيم لا يستحق ..وليس به أي تميز…والمبلغ ٣٧٣ ريال

مطعم ام شريف الرياض

• بصراحة مطعم وطاقم قمه النظافه والرقي في فن التعامل مع العميل الاكل ماشاء الله روعة جربت الغداء والافطار وكلها لذيذه ومتنوعه. احب اشكر الاخ (( وسـيم)) تعامله جدا محترم نسيت عندهم الطلب تك اوى وطلع بحث عنى وتعب معاي لين حصلنى. في سيارتى واعطاني الطلب بصراحة قمة في الذوق والاحترافيه والمهنيه🙏🏻

 

• المطعم جميل وموقعه اجمل ونظيف وخدماته جميلة والقائمين على الخدمة رائعين ولكن يعيبه شئ واحد كمية الأكل قليلة جدا مقارنة بأسعاره المرتفعة طلبنا مشاوي سعره ب١٥٥ لاتكفي الا شخص واحد تفاجأنا بالكمية جداً قليلة وطلبنا سلطه وتفاجأنا بكميتها البسيطة وباقي الطلبات مثل كانت قليلة جداً مقارنة بأسعارها والمطاعم الأخرى