يعتبر مطعم مرزام  من اكثر المطاعم تنقيطا ايجابيا في قوقل لذالك اليوم سنكون دليلك في مطعم مرزام و نقدم العديد من المعلومات المختلفة مثل العنوان و المنيو و رقم الهاتف و العديد من المعلومات الاخرى لتختار الوجهة الافضل لك

دليلك في مطعم مرزام  :

• الاسم : Mirzam | مطعم مرزام
• تقييم : 4.5
• الاسعار : جيدة
• ‏أوقات العمل : كل يوم من 05:00 الى 15:00  بوم الجمعة 05:00–11:00, 12:30–17:00
• الموقع على خرائط جوجل : يمكنك الوصول الى موقع مطعم
• للتوصيل : يمكنك الطلب من هنا
• للحجز . يمكنك الحجز من هنا 
• عنوان مطعم :  التخصصي تكامل بلازا ، النخيل ، الرياض 12383
• رقم هاتف  : 966534187431+

منيو مطعم مرزام :

تعليقات زوار مطعم مرزام  :

 

بقية منيو مطعم مرزام

 

• المكان رااايق ومرتب ، الاكل لذيذ والخدمه سريعه والنفسيات العاملين تفتح النفس .. متخصص فطور فقط ، الاسعار مناسبه 😊 الطلبات كانت فول و كان يعني قدام الاطباق الثانيه
  الشكشوكه لذيذه حمسة الباذنجان انصح فيها جد لذيذ طعمها ؛ جبنة الفيتا مع العسل كان طعمها جديد و غريب و اللي يحب الحالي مع المالح يطلبها ؛ عندهم ضيفه القهوه العربيه المكان جداً جميل و شعبي بس شعبي بشكل جميل 😍👏🏻👏🏻👏🏻؛ الكرك لذيذ و كان طعم السكر معتدل فيه ؛ الخبز كان منوع من التميس و العربي الابيض و البر و شي جميل انو مطعم يهتم ب هالشي 🙏
  :: و بعد ماطلعنا تتبخر بالعود شكراً على خدمتكم الجميله 😍 ، واكيد المكان راح ارجع له مره ثانيه 👍🏻

 

• المطعم جميل والديكور حلو وهادي والمكان ريحة بخور صغير وحلو الاكل طلبنا شكشوكة لذيذه مره وحمة بادنجان بطله وجبنة فيتا مع الحبه السودا والعسل تجننن لذيذه فيه ناس ماتتقبلها بس جربوها حلوه وحلوم بالعسل وفوقه لوز او صنوبر اتوقع بعد لذيذه وفلافل يبي لها شوية تعديل بس مقبوله وبيض بالمغش حلو وكرك موزون مطعم ارجع له مره ثانيه الاسعار معقوله الى مرتفعه الخدمه سريعه والويتر سنعين 😃

 

• المكان اعطيه ٨ ونص من ١٠ بالنسبه للشيبان اللي يستعملون الفيسات ذي 🌷🌹🥀🌾🎋💋 وشكليات سمول كبتشينو راح يشوفون المكان ٢٠ من ١٠ استغفرالله ممكن يشوفون جنه ++ الكورتادو شي ماصار ولا استوى ولا حاطينه لك بفنجال بعد يعني شغل بن كلب ونرجع لشكلية حقين السمول كابتشينو انهم راح يشوفون هالنقطه مره مره شي كبير وتحول وممكن يمشي ويهذر بالقهوه ذي عشان هالحركه +++ كيكة التمر بيرفكتو الصراحه مره والقهوه العربيه بنت كلب بعد وكيكة المنقا حليوه ماعليها والموظفين بيرفكتو بعد ولو تلاحظون اخذنا كورتادو للطريق لانه حلو واءءءء وش بعد ؟؟؟؟ بس وللمزيد من التغطيات والحفلات🌹🌹 والشاليهات 🛍🎎بأرخص الأسعار ↙️↙️💲نرجو متابعتنا على السناب جات ss.0696

 

• المكان جميل و شرح ومرتب وطبعا انا رحت له وسط الأسبوع الصباح ف كان هدوء ورايق، الترحيب بالقهوة جميل، رائحة المكان بالبخور جميلة، الخبز سواء الملوح أو اللبناني ممتاز. نجي للأطباق: أولًا كميتها وجودتها لا تتناسب مع السعر بتاتًا، الفيتا المقلية وحلوم بالديبازة كانت أفضل ما طلبنا، فول مندي لونه أبيض ولا فيه ملح! بيضاء مغش مع الطماط ناشف وأيضا يحتاج ملح، مقلقل دجاج جيد، باذنجان جيد، حلوم الزعتر جيده ولكن ناشفة شوي، يفضل القطعة تكون أعرض. عالعموم عالسعر والكمية وجودة الأكل ما أحس أني ممكن أكرر الزيارة وبالتوفيق لهم.

 

• المكان مرتب ونظافة ، حبيت ريحة البخور فايحه و الخدمه حلوه ولطيفة. الاسعار اشوي اعلى من المتوسط. حبيت اهتمامهم بالتفاصيل مثل ضيافة القهوة العربيه و البخور مع الفاتوره و انهم طالبين التقييم جبنة فيتا المقلية تفاجئت معاها عسل لكن طعمها جداً لذيذ فول بالكشنة لذيذ لكن ما ارجع اطلبه كان ممكن اجرب حاجه فيها بيض يمكن المعصوب مبتكر بطريقة التقديم وطعمه حلو فيه طعم الموز أخف من المعتاد حبيت انه فيه قرمشة الخبز حار

 

• حبيت في المطعم سرعة الخدمة والضيافة.. ضيفونا بقهوه عربي وشاهي بعد الفطور ، كان فيه ركن مباركة بالعيد و حلويات يوزعونها عالاطفال كانت حركة لطيفه
  طلبنا شكشوكة فول سعودي حمسة حلوم جبنه فيتا ومقلقل الاكل كان لذييذ ماعدا الفلافل كانت عاديه جداً والعدس حلو لكن حار… بس ياليت يفتحون فرع اكبر وجلسات احلى واريح لانه مطعم يستحق يتكرر وحبيت انه يوم الجمعه مافيه اغاني الى الساعه ٤ يتعب الواحد يبحث عن مطعم بلا اغاني…
  العيب الوحيد ان الاسعار عاليه

 

• الاستقبال رائع بعد ماتخلص فطورك يبخرونك بعود المكان جميل والموسيقى هادئه الديكور راقي وذوق الأكل فلافل لذيذه مقرمشه من برى وطريه من جوه الصوص اللي معاه ناطع وحلو وطلبنا جبنة فيتا بالعسل وحبة البركه مادري سمسم اسود ولذيذه كريميه ماهي حامضه وبيض مغش حلو بس الاطراف محروقه شوي ييي لهم يسألون اذا تبون مطبوخ زياده او لا المشروب كرك يقدم بأبريق تقييم المطعم ١٠/١٠ يستحق تكرار الزياره ودعوة ضيف عزيز عليك

 

• ماشاء الله تبارك الله نظافه وهدوء تتقدم لك ضيافه قهوه عربيه الطلب مايطول ابداً طلبت كبده حجازيه ومقلقل دجاج وبيض مسلوق حار في اي مكان ثاني هالطلب حق شخص لانهم مايكثرون لكن مرزام راهييين بالاكل الطلب يكفي شخصين بالراحه انواع الخبز عندهم ممتازه جدا والشاهي عندهم بالنعناع او حبق المدينه 😍 وبعد الاكل يجيك البخور مهتمين بمزاجك حييل اشكرهم واهنيهم صراحه ولي زيارات كثيره مو زياره وحده ان شاء الله 🙏🏻

 

• مكان متفرد ومتسيد بالتالي: ١/ الاستقبال .. الموظفين تسود طلتهم روح العرب المضيافين واخص روح التميز والكرم الاخ ابراهيم القحطاني حامل الطيب في روحه.. ٢/ الجو العام… تصميم المكان بالديكور العربي الاصيل بطابع عصري واستغلال الضوء الطبيعي خلق للمكان مهجة ورحابة في النفس.. ٣/ الاكل … المنيو مختار بعناية فالقائمة ليست مزدحمة ولكن ضاربة لأهداف الفطور الشرقي
  نظيف ولذيذ ومناسب في الاسعار… ٤/ الخدمة سريعة واحترافيه كل الشكر لكونكم انتم ابرزتهم الهوية السعودية بطريقة خلابة… كل التوفيق لكم ..🌷

 

• جربت المكان وقت الفطور المكان جميل واجواءه اجمل والخلفيات الموسيقية متناسقة مع هوية المكان مريح ويعطيك شعور مختلف
  موظف الاستقبال مره انسان رائع الخدمة ممتازة ضيافة ترحيبيه عبارة عن قهوة عربي والقهوة طعمها زين المنيو عندهم محدد ومنوع بنفس الوقت فيه اغلب انواع الافطار التقليدي المعتاد كل شيء طلبناه من اكل كان لذيذ مغش البيض مره لذيذة ، الكبده حلوه ، الفول السعودي شيء فاخر ، مكس الافطار عدد كثير منوع ومناسب انواع الخبز مره فريش وحلوه ومتنوعه المشروبات الساخنه عليه ملاحظة ( الشاي كان مو حار ونوع الشاي مره مر ، الامريكانوا كافي كان مر ، والكابتشينو كان خفيف الطعم ) ملاحظة على نوع أنواع الاكواب غير مناسب كبير ومتعب في الشرب . الموية طريقة تقديمها مع أكواب فخار مره حلوه وفكره جميلة واعطت انطباع جيد مع الأجواء تم تقديم ضيافة لنا ( معصوب ) ملاحظة عليها ان الحبه السوداء كثيره وطغت على الطعم بشكل عام جيده وقابله لتطوير بما انه المطعم لسا فاتح جديد من 15 يوم اعطيهم تقيم 10/10
  مع الاهتمام بالمشروبات الساخنة اكثر  وعطيكم العافية