يعتبر مطعم ناون من افضل مطاعم جده لذالك اليوم سنكون دليلك في مطعم ناون جده و نقدم العديد من المعلومات المختلفة مثل العنوان و المنيو و رقم الهاتف و العديد من المعلومات الاخرى لتختار الوجهة الافضل لك. يمكنك النظر في مطاعم جده لاكثر اختيارات

دليلك في مطعم ناون جده :

 

• الاسم :  مطعم ناون جده
• تقييم ( في قوقل) : 3.7/5
• اسعار : مرتفعة
• أوقات العمل : يوميا من 08:00 الى 02:00
• الموقع على خرائط جوجل : يمكنك الوصول الى موقع مطعم
• للطلب عبر التوصيل : من هنا
• عنوان مطعم : طريق الامير سلطان، حي السلامة, جدة 23436
• رقم هاتف للحجز : 966552166688+ أو يمكنك الحجز من هنا

 

منيو مطعم ناون جده :

 

بقية مطعم ناون جده 

اراء زوار مطعم ناون جده  :

• المكان حلو والويترز جدا لطيفين لاني عاملة حمية طلبت دجاج مشوي مع خضار وصراحة شكراا لهم انه غيرولي في الطبق وبدال الروزيتو حطولي خضار والكمية لشخص تكفي وزيادة وسعر الطبق تقريبا ١٢٠ حسيت السعر اوڤر شوي وعندهم عرض غداء ب٩٩ فيه مقبلات ، سلطة ، طبق رئيسي ، حلى ، ومشروب غازي بس انه مو كل الاصناف داخلة في العرض عندهم اصناف محدده تقريبا ٥ اصناف رئيسيه تختار. منها وحبيت عندهم فكرة روزيتو الصيادية الفكرة غريبة والطعم حلو بس مو مرة واو ناون سالاد كانت فنانة جدا لو رحتو لا تتخطوها المقبلات عبارة عن ورق عنب بس حسيت الحشوة ناشفة شوي والحلى بالنسبالي كان مرررة حالي ومع الكراميل تحس النكهات حق كيكة التمر ضاعت لو يخففو السكر شوي يعني تجربة كانت لا بأس فيها ومااعرف اذا اكررها ثاني

• الاكل لذيذ الديكور جميل جداً يعيبه الموظفين مافيه اي تعامل مع الزبون مايقدمون الضيافة يحط الصحون ع الطاولة ويمشي ولا يتعب نفسه ولا يرتبها. واقفين ٣ عند الباب مع موظفة الاستقبال وانا داخلة وانا طالعة ولا واحد منهم يتعب نفسه يفتح لك الباب. بعد ماخلصت الاكل وطلبت الفاتورة مافيه كلمة كيف الاكل او عجبكم الاكل او اي شي .. يصلح لهم لقب ( مطعم الويترز الصامتين ) .. وللمعلومية ((مرتين)) زرته. ونفس الوضع يتكرر معي نفس التعامل الصامت وتجاهل الزبون مع انه الموظفين مو نفسهم في كل مرة غير.

 

• المطعم في الخدمة ممتاز اجوائه خيالية جودة الاكل رائعة. تم طلب روزيتو صيادية اتعب اقول لذيذه 👍🏻 و طلب ترافل فرايز رائعه. و ايضا تم طلب تشكن باو. طعمه لكن ليست مميزة. الليمون نعناع بطل 👍🏻 انصح بتجربته خصوصا لطبق الروزيتو صيادية. اذا كنت تحب الصيادية و تحب السمك و تحب البصل المقلي(حق الكوشري) انا متاكد ان هالطبق بيكون افضل طبق ذقته في حياتك👌🏻😅

 

• المطعم فخم (جداً) وجلساته متنوعة، الأكل كميته راهية وتشبع، طلبنا 4 أطباق، الروزيتو كان أفضلهم ولذيييذ جداً، لكن الترفل دجاج ماكان جيد (سعره كان 130 تقريباً) + الخدمة كانت عادية جداً بالنسبة لمكان فخم جداً كذا وغالي + بالنسبة للأسعار بعض الأطباق بالستين والخمسين، بس بعضها غالية بزيادة (ستيك اللحم ب500) الأغلب أسعار مرتفعة + فيه جلسات خارجية

 

• المكان جميل جداً ويتسم بالديكورات الجميله والفخامه شكلاً ومضموناً لأنه الشباب اللبنانيين اللي يشتغلو فالمكان قمه فالادب والاخلاق وحسن الظيافه ناس أُختيروا بعنايه للأمانه ذوووق لدرجة انه كل مافضي كوب الشاي يجي ويعبيه بنفسه طبعاً اخذت وجبة افطار كانت طبق المكس اللبناني ٦٥ ريال ومنقوشة زعتر كانت ب حاجه و٣٠ مع جبنة الفيتا شي خيالي لذيذ أكلهم جداً وعجينة المنقوشه راااائعة التجربة بشكل عام تستاهل اكثر من ٥ نجوم

 

• موقعه بجانب مطاعم وقهاوي اخرى.. فيه جلسات خارجيه ، عندهم شاشه عرض مناسبه لعرض صور احتفالاتكم (يغنون لكم) …الاكل لذيذ جداً .. طلباتي(شوربه ثمار البحر ، باذنجان مع جبن، ريزيتو بالفطر)..🤤❤️.. الديكورات جميله.. صوت موسيقى عالي ، الاسعار متوسطه نوعا ما … عندي ملاحظه اتمنى توصلهم( من الافضل ان تكون مستقبلة الزبائن تمثل تقاليد المجتمع السعودي من حيث نوعية اللبس ) ..🌷

 

• ولا غلطه روعه في الاكل والنكهه وطريقة التقديم والاستقبال والمكان فخم يصلح للروقان اللحم طازج وطهيه لذيذ والحلى متنوع وروعه اما البيذنجان من الآخر تمنياتي لكم التوفيق والاستمرار والبقاء على هذا النهج ولا انسى مقدمين الاكل قمه بالادب والاحترام تحياتي لك القائمين على المطعم

 

• اول زيارة ماشالله عجبني المكان واللجلسات مريحه في داخليه وخارجيه..في ميوزك وشاشة عرض ..الاستقبال جميل الخدمة حلوة ومحترمين جدا وحريصين على راحتنا .الطلبات :دولمة سلطة ناون .لفائف بالدجاج والسماق ،(نسيت اسماء الطلبات حكتب وصفها😅) وجمبري تمبورا كلها ممتازة ولذيييذة .بعدين طلبنا مكرونة ودجاج بالترافل وريزوتو باضلاع يمي يمي ✅الاكل لذيذ ومشبع والكمية ممتازه

 

• ماشاء الله المكان جدًا جمييييل … ابهرني جمال المكان وجمال التصميم .. دورين .. اسعارهم صراحة تعتبر مرتفعه … خدمتهم عالية وسريعه ومميزه … له جلسات داخلية وخارجية …. عندهم عروض فترة الغداء وسط الأسبوع… وعندهم طرب فترة العشاء طعم الأكل جدًا جدًا ممتاز ولذيذ الموظفين جدًا متعاونين وخصوصًا الموظف AIi بشوش ومتعاون .. العيب الوحيد يالي فيه الكنب يالي على الأطراف ماهي مريحه تألم الظهر ماتقدرين تطولين فيه ابد ..

 

• ‎ناون ‏‎📍طريق الامير سلطان ‏‎تجربة اليوم كوفي ومقبلات في ناون 😍👌 الطلبات: – كيكة الليمون ( 78﷼) حقيقي بدون مبالغه الذ كيكة ليمون اذوقها في جدة اللي يحب الليمون لايتعداها سواء كان الصوص او نفس الكيكة لذييذة جدا👌✨ – ناون ديكشنري ( ما اتذكر السعر☺️ ) عبارة عن كيك وفوقو ايس كريم برضو لذيذ مره وحلاه موزون👍 – ناون ايس لاتيه ( 30 ﷼) تتقدم مكعبات قهوة مثلجة وحليب القهوة طعمها خفيف صراحة اتمنى انو يعدلو اكثر وتكون افضل من كذا – ايس كوفي موكا ( 28﷼) طلبت منهم انو يقللو السكر وعملوها ليا بالدارك شوكلت ف طلع طعمها مره رهيب وكان طعم القهوة قوي فيها✨👌 – فلات وايت (26 ﷼) ممتاز👍 – ناون سلط ( 60﷼) مكس الخضار مع انواع المكسرات والزبيب والصوص كمان معطيها طعم مميز.. كميتها كبيره ماشاءالله ولذيذة جدا اعجبتني . – ترفل فرايز ( 39﷼) لذيذة ومقرمشة👍 تجربة حلوة ومختلفة جدا.. على قد ما انو كنت متخوفة من التعليقات الا اني اصريت اروح واجرب ، الحلى جدا جدا لذيذ ومميز ويستحق التجربة.. الاسعار صح انها مرتفعه ولكن على شيء يستاهل وعلى خدمة ممتازة ايضا جودة الاكل والجلسات، الخدمه سريعه والموظفين جيدين..

 

• الجلسات جميلة والديكور حلو والخدمة سريعة ، بالنسبة للأكل الطلب كان باستا ،الصوص لذيذ جداً لكن درجة استواء المكرونة كانت عالية مهرية مرة اذا مسكتها بالشوكة تنقطع ، بيتزا الترافل والبارميزان كانت لذيذة بس تمنيت انها متحمرة زيادة من تحت لأنها بيضاء مرة بس كانت لذيذة، بطاطس الترافل سيء مافي ملح ولابهارات ابد والترافل كان نقطة فوق ٤ بطاطسات فقط ، موهيتو السيقنتشر عندهم بالتوت كان اسوأ من السيء صراحة ماقدرت اشرب حتى نصه ، جايني حار والمرهيتو ميزته قوة البرودة ، والثلج قليل والسكر قوووي مرة كني اشرب موية بسكر ، الحلا طلبنا السقنتشر على مدح الجرسون يجي طبقة ايسكريم مغلف بالتشوكلت وتحتها كيكة شوكولاته وصوص شوكلت يصبه فوق الايسكريم وتسيح الشوكولاته ، طبعاً الصوص جاي بارد ولاساح ولاشي وجلسنا نكسر الطبقة بالملعقة عشان نوصل للايسكريم ، اسبريسو كان لابأس به ، لو برجع اكرر الزيارة بس عشان الجلسة وبطلب قهوة بس ، ماراح اطلب اكل من عندهم والاسعار غالية كثير ، السيزر ب٧٠ ريال هذا مثال